It's a hot and cloudless day, it's a bright and clear sky day with minimal wind, it's a crowded day with merely no space to lie, and it's a memorable day. In commemoration of the 1st reach of raft. 好耐都冇試過係沙灘曬太陽游水燒野食咁開心 多謝哂 雖然而家個背脊怒甩皮 不過真係黑左好多 正 而甩皮之後亦發生以下兩段有趣對話... 第一段 甲: 先生 你岩岩曬完太陽呀 乙: 係呀 甲: 係囉 哈 我知係因為見到你背脊甩哂皮 乙: 哦 甲: 但係今日唔係落雨咩 乙: 唔...我係前幾日曬既... 我好想講 曬完太陽係唔會即日甩皮既... 第二段 甲: 唉也 我整到你痛唔痛呀 乙: 唔痛 甩皮唔痛既 甲: 唉也 但係好核突呀 乙: 其實...你可以唔望既 甲: 呀...我以前都試過曬到甩皮 個陣曬到塊面都甩皮 乙: 咁慘 咁出街咪好奇怪囉 甲: 我個陣六歲je 乙: (細聲地) 頂... 甲: 你今年幾多歲呀 乙: 你估呀 甲: 廿/廿一 乙: 其實係四十一 下刪一分鐘對話 甲: 你叫咩名呀 乙: xxx 甲: 好難讀呀...咁你估下我叫咩名呀 係一樣食得既野 乙: 下 咩叫食得既野 你食得既野既定義可能同我唔同架喎 再下刪數分鐘對話= =...完... 近黎既心情依然係有少許低落 唉 有時既野都係踗得太多 多到過份= = 或者係過份自信同樂觀 哈 睇黎我對結他既興趣真係唔大 玩完六堂 可以放棄 正 要繼續努力溫日文 黎緊好希望考到 識左個同事話黎緊都係考日文 佢話為左令自己努力溫書踗住如果考到就去日本旅行 睇黎我都要將呢個定為畀自己既獎勵 或者其實係一個籍口 哈 唔知點解突然好想學蝶式 到錢多既時候可以考慮無聊下 今晚個月亮圓得有少許過份 側邊既光環又極光 其實今日初幾 原來今日係七月七 七月七日長生殿 夜半無人私語時 在天願作比翼鳥 在地願為連理枝 天長地久有時盡 此恨綿綿無絕期 唔知全香港有幾多人識背長恨歌呢 到現時為止 識既人都係令我佩服既人 可能因為大家都係咁白痴 哈 | 
